Jabari Publiko Hidraulikoan eta ibilguen Zaintza-eremuan obrak eta jarduketak egiteko baimenak

Nork izapidetu dezake?

Interesatuta dagoen edozein pertsona, identifikazio elektronikoaren bidez. Talde hauek behartuta daude egitera ⁽¹⁾:

• Enpresak eta elkarteak.
• Nortasun juridikorik gabeko entitateak (sozietate zibilak, jabe-erkidegoak, etab.).
• Profesional elkargokideak (beren jarduerarekin lotutako izapideetan).
• Enplegatu publikoak (beren eginkizunak betetzen dihardutenean).
• Enpresaburu indibidualak edo autonomoak, lanbide-jardueran egiten dituzten izapide eta jarduketetarako.
• Aurreko edozein kolektiboren ordezkariak.

Nola?

1. Irakurri egingo duzun jarduketari dagokion informazio-orria: 
2. Dokumentu osagarriak prestatzen ditu (gehienez 10MB artxibo bakoitzeko). Zalantzarik baduzu, informazio-orrian kontsultatu ditzakezu xehetasun guztiak.

Jarduketa uholde-arriskuko eremu batean dagoenean, nahitaez aurkeztu beharko da uholde-arriskuari buruzko erantzukizunpeko adierazpenaren eredua.

1. Sartu egoitza elektronikoan, eta jarraitu urrats hauei:

• Identifika zaitez zure bitarteko elektronikoarekin.
• Bete inprimakia.
• Erantsi dokumentuak.
• Sinatu eta bidali.

Nire karpetaren bidez, espedientearen egoera kontsultatu eta izapidetzearen hurrengo urratsak kudeatu ahal izango dituzu.

Non?

Esteka honen bidez, zuzenean: Lan eta ekintzetarako baimen eskaera jabari publiko hidraulikoan - Eskaera - Eusko Jaurlaritzako egoitza elektronikoa.

Nola?  

Jarduketa ez badator bat lehenengo bost kasuekin (linea elektrikoak, agregakinak, kanpaldi kolektiboa eta zuhaitzak moztu eta landatzea), dagokion eskabide-eredu orokorra erabili beharko da. 

Era berean, jarduketak jabari publiko hidraulikoari eta zaintza-eremuari eragiten badie, jabari publiko hidraulikoari dagokion formularioa erabili beharko da. 

1. Irakurri egin beharreko jarduketaren informazio-orria. 
• Linea elektrikoek jabari publiko hidraulikoa gurutzatzeko informazio-orria.
• Jabari publiko hidraulikoan agregakinak erauzteko informazio-orria.
• Ibilguen zaintza-eremuan agregakinak erauzteko informazio-orria .
• Jabari publiko hidraulikoan eta ibilguen zaintza-eremuan zuhaitzak moztu eta landatzeko informazio-orria.
• Ibilguen zaintza-eremuetan kanpaldi kolektiboak egiteko informazio-orria.
• Jabari publiko hidraulikoan obrak edo jarduerak egiteko informazio-orria.
• Ibilguen zaintza-eremuan obrak eta jarduketak egiteko informazio-orria.
2. Osatu eta sinatu eskabide-eredua.  
• Linea elektrikoek jabari publiko hidraulikoa gurutzatzeko baimen-eskabidea.
• Jabari publiko hidraulikoan agregakinak erauzteko baimen-eskabidea.
• Ibilguen zaintza-eremuan agregakinak erauzteko baimen-eskabidea.
• Jabari publiko hidraulikoan eta ibilguen zaintza-eremuan zuhaitzak moztu eta landatzeko baimen-eskabidea.
• Ibilguen zaintza-eremuetan kanpaldi kolektiboak egiteko baimen-eskabidea.
• Jabari publiko hidraulikoan obrak edo jarduerak egiteko baimen-eskaera.
• Ibilguen zaintza-eremuan obrak eta jarduketak egiteko eskabidea.

Jarduketa uholde-arriskuko eremu batean dagoenean, nahitaez aurkeztu beharko da Uholde-arriskuari buruzko erantzukizunpeko adierazpenaren Eredua.

1. Prestatu dagokion dokumentazioa. Zalantzarik baduzu, informazio orrian kontsultatu ditzakezu xehetasun guztiak.
2. Erregistratu eskaera toki hauetako edozeinetan:

Non?

1. Uraren Euskal Agentziaren hiru bulegoetako edozeinetan, astelehenetik ostiralera, 08:30etik 14:00etara.
2. Erregistro-gaietan laguntzeko Eusko Jaurlaritzaren bulegoetan.
3. Zuzenean zerbitzuaren bidez: Herritarrei arreta presentziala emateko eredua
4. 39/2015 Legean aurreikusitako edozein modu gehigarri erabilita⁽²⁾.

• Zer jarduera egin ditzaket baimenik gabe, jabari publiko hidraulikoan eta haren babes-eremuetan? 
  Azaleko uren erabilera komunak (edatea, bainatzea eta etxeko beste erabilera batzuk, bai eta ganaduak ura edatea ere), baina uren kalitatea eta emaria ez aldatzeko moduan egin behar dira. 
• Noiz behar dut jabari publiko hidraulikoan eta ibilguen zaintza-eremuan obrak eta jarduketak egiteko baimena? 
  Jabari publiko hidraulikoan (ibai baten ibilgua) edo haren babes-eremuetan (zortasuna eta zaintza) egiten den edo haren ondasunak erabiltzea dakarren edozein obrak edo jarduketak aldez aurreko administrazio-baimena behar du, hala nola:  
  • Zubien, pasabideen edo ibien eraikuntzak.  
  • Urbanizazioak, eraikinak, eraikuntzak eta aldi baterako elementuen edo elementu iraunkorren instalazioak egikaritzeak. 
  • Hodiak, linea elektrikoak edo beste azpiegitura lineal batzuk gurutzatzea.  
  • Agregakinen erauzketa. 
  • Mozketak eta landaketak.  
  • Lursailaren erliebe naturalari funtsezko aldaketak egitea.
    
    Horretarako, eskabide-eredua bete beharko duzu (Eusko Jaurlaritzaren egoitza elektronikoaren bidez edo aurrez aurre), non adierazita baitaude zein diren bete beharreko datuak, bai eta zer dokumentazio aurkeztu behar duzun ere. 
    
    Baimen-eskaera egin aurretik, Kontserbazio-jarduketa txikiak egiteko erantzukizunpeko adierazpenaren bidez  izapidetu beharreko jarduketak badira ere, prozedura horri buruzko atala kontsultatu beharko da. Incluir el link a la web donde tenemos los DRA.  

• Zer epe dute ebazteko jabari publiko hidraulikoan edo ibilguen zaintza-eremuan egiteko diren obrak eta jarduketak baimentzeko espedienteek? Eta epe barruan ebazten ez badira? 
  Ebazteko epea 6 hilabetekoa da gehienez. Epe hori igaro eta ebazpen espresurik eman ez bada, baimena ez da inola ere administrazio-isiltasunez emandakotzat joko.  
• Zer gertatzen da obra eta jarduketetarako baimena eskatu ondoren erantzunik jasotzen ez badut?  
  Jabari publiko hidraulikoan edo ibilguen zaintza-eremuan edo itsas-lehorreko babes-zortasuneko eremuan obrak edo jarduketak egiteko baimena eskatu baduzu eta legez ezarritako epean erantzunik jasotzen ez baduzu, ez da inola ere ulertuko baimena eman zaizula, administrazio-isiltasuna negatiboa baita kasu honetan.  
• Beste administrazio batzuek (autonomikoak, tokikoak, etab.) eska diezadakete bestelako baimenik? 
  Bai. Administrazio Hidraulikoak (Uraren Euskal Agentzia edo Konfederazio Hidrografikoa) ematen duen baimenak uren legerian aurreikusitakoa baino ez du aipatzen.
  
  Beste administrazio batzuek, hala nola autonomikoak edo tokikoak, baimen gehigarriak eska ditzakete beren eskumenen arabera (hirigintza, ingurumena, ondarea, etab.), eta baimen horiek lortzea pertsona edo erakunde titularraren erantzukizuna da.  
• Zer bete behar ditut obra eta jarduketen baimen baten titular gisa? 
  1. Baimenaren baldintzak errespetatzea. Ebazpenak adierazten du nor den pertsona edo erakundea, zer baimentzen den zehazki, zer baldintzatan eta zenbat denboraz.  
  2. Baimenak okupazio-kanon bat lotuta badauka, ezarritako aldizkakotasunarekin ordaindu beharko da.    
  3. Baimendutakoari buruzko edozein aldaketa jakinaraztea. Baimendutako jarduketaren ezaugarriak aldatu behar badituzu, Agentzia honi jakinarazi behar diozu eta, hala badagokio, baimena aldatzeko eskatu.  Jarduketa ezin baduzu aurreikusitako epean gauzatu, luzapena eskatu behar duzu, arrazoiak justifikatuta.  
• Jakinarazi didate nire espediente batzuk metatzen dituztela. Zer esan nahi du horrek? 
  Horrek esan nahi du zure eskaerak batera kudeatuko direla espediente bakar batean.
  Metatze hori egiten da prozedurek oinarri bera dutenean edo hertsiki lotuta daudenean, eta organo eskudunak izapidetze efizienteago bat ahalbidetzen duenean. 
• Entzunaldi-izapidearen jakinarazpena jaso dut. Zerbait egin behar dut? 
  Aztertu bidali zaizun dokumentazioa (adibidez, txosten teknikoa). 
  Komenigarria iruditzen bazaizu, alegazio-idazki bat aurkez dezakezu adierazitako epean. Bidalitako informazioa baloratuko dugu, eta espedientearen ohiko izapidetzea aldatu ahal izango dugu.
  Ezarritako epean alegaziorik aurkezten ez baduzu, jarraitu egingo du espedientearen izapidetzeak, ebatzi arte.
  Entzunaldiaren izapideak espedientean interesdun gisa parte hartzeko eta defendatzeko bermea dakar. 
• Nola jakin dezaket nire jarduketa uholde-arriskuko eremu batean dagoen?  
  Zure finka edo eraikina uholde-arriskuko eremuan ote dagoen egiaztatzeko, Uraren Euskal Agentziaren bisorea kontsultatu dezakezu, eta urrats hauek egin: 
  1. Zure finkaren edo higiezinaren koordenatuak ezagutzen badituzu, sartu "Koordenatuak bilatu" tresnaren bidez. Ezagutzen ez badituzu, hurbilen duzun herria aurki dezakezu bilaketa-barraren bidez, eta zooma erabili interesatzen zaizun eremua aurkitzeko. 
  2. Egin klik "geruzen zerrenda" botoian eta jarraitu bide honi: Urak-URA> Uholde-arriskugarritasuna >EAEko uholde-arriskua (10/100/500 urteko itzulketa-epealdikoa). Azken geruza hori hautatu informazioa lortzeko. 
     
     Ibilgu baten inguruan kokatutako finka edo eraikin bat bisoreko uholde-orban baten barruan ez badago ere, EZ du nahitaez esan nahi uholde-arriskuko eremu batetik kanpo dagoenik, ibilgu batzuentzat ez baitago uholde-arriskuari buruzko kartografia ofizialik. 
     
     Kasu horietan, jarduketa jabari publiko hidraulikoan kokatuta badago, uholde-arriskuko eremuan dagoela jotzen da, eta kokapena beste bat bada, jarduketa egiteko interesa duen pertsonak, izapidetzean hala eskatzen bazaio, azterketa hidrauliko bat aurkeztu beharko du, eremuaren uholde-arriskua kalkulatzeko. 
• Obren eta jarduketen eskaera bat egin nahi dut. Noiz behar dut azterketa hidrauliko bat? 
  Oro har, proposatzen dituzun obrek eta jarduketek, bereziki eraikuntza eta eraikin iraunkorrek, ingurunearen uholde-arriskua aldatzen badute, beharrezkoa izango da azterketa hidrauliko bat aurkeztea, administrazio izapidegilearen eskariz betiere.
  Azterlan horrek ibilguaren portaera modelizatzen eta aurreikusten du, egin nahi diren jarduketak egin ondoren, pertsonei eta ondasunei eta ibilguaren dinamikari nola eragin diezaieketen jakiteko.  
• Zergatik jaso behar da Jabetza Erregistroan eraikin baten uholde-arriskuari buruzko erregistro-idatzoharra? 
  Ibilguen zaintza-eremuan eraikin eta etxebizitza berriak eraikitzen direnean, Administrazio Hidraulikoaren baimena lortzeko, araudiak ezartzen du obrak hasi aurretik sustatzaileak Jabetza Erregistroaren ziurtagiria eduki behar duela. Ziurtagiri horretan, eraikuntzaren uholde-arriskuari buruzko informazioa ematen duen oharra jasoko da. 
  Helburua da bermatzea eraikin horien etorkizuneko erabiltzaileek ezagutzen dutela uholde-arriskuaren egoerari buruzko informazioa, eta behar bezala helarazten zaiela. 
• Noiz aurkeztu behar dut uholde-arriskuari buruzko erantzukizunpeko adierazpena ? 
  Uholde-arriskuko eremuan edozein jarduketa egiteko orduan, lehentasunezko fluxu-eremua barne (aurrerantzean, LFE).
  Erantzukizunpeko adierazpenaren eredua betetzean, jarduketa egingo den eremuaren uholde-arriskua (uholde-arriskuko eremua edo LFE) zehaztu beharko da, jakinez gero: 
  • Jarduketak jabari publiko hidraulikoan bertan (ibilguan) egiten badira, LFEn daudela adieraziko da.  
  • Inguruneko uholde-arriskuaren kartografia ofiziala badago, bertan agertzen dena adieraziko da. Ez badago, uholde-arriskuko eremua adieraziko da. 
    
    Dokumentu hori obrak eta jarduketak baimentzeko espedientearen parte izan beharko da, espedientea ebatzi aurrekoa. Hala, erantzukizunpeko adierazpen hau, behar bezala beteta eta sinatuta, eskabidearekin batera aurkeztuko da. Hala egiten ez bada, espedientea izapidetzen ari den bitartean eskatuko zaio.  
• Zein da uholde-arriskuari buruzko erantzukizunpeko adierazpenaren helburua?  
  Helburua da uholde-arriskuko eremu batean jarduketa bat sustatzen duen pertsona edo erakundea jakitun izatea bere jarduerak duen arriskuaz, eta konpromisoa hartzea kasu horretan aplikatu beharreko babes zibileko neurriak prestatzeko eta kontuan hartzeko, bai eta informazio hori eraginpean egon daitezkeen pertsonei helarazteko ere, zernahi direlarik ere babesteko egokitzat jotzen dituen neurri osagarriak. Alegia, pertsona edo erakunde sustatzaileak ziurtatzen du autobabes-neurriak hartzen lan egingo duela eta interesdunei jakinaraziko diela zer ekintza gauzatu beharko diren jarduera horrek izango dituen arriskuak minimizatzeko. 
• Baimen bat daukat, baina azkenean ez dut obra edo jarduketa egingo. Zer aurkeztu behar dut? 
  Pertsona edo erakunde titularra bazara, idazki bat aurkeztu beharko duzu Uraren Euskal Agentzian, uko egiten diozula espresuki adierazteko, edozein jarduketa hasi aurretik.
  
  Izapidetze elektronikoaren kasuan, idazki hori baimenaren espedientean bertan aurkeztu behar duzu (AO, Z, etab.), "Dokumentazio berria gehitu hasitako espediente bati " atalean deskribatutako moduan. 
• Espedientea izapidetzen ari da oraindik, baina ez dut jarduketa egingo. Zer egin behar dut? 
  Atzera egiteko idazki bat aurkeztu behar duzu. 
  Izapidetze elektronikoaren kasuan, idazki hori baimenaren espedientean bertan aurkeztu behar duzu (AO, Z, etab.), "Dokumentazio berria gehitu hasitako espediente bati " atalean deskribatutako moduan.   
• Jarraipen-espediente bat ireki dela jakinarazi didate. Zer da espediente mota hori?  
  Uraren Euskal Agentziak ofizioz irekitako espedienteak dira, obrak eta jarduketak baimenean edo erantzukizunpeko adierazpenean adierazitakoaren arabera egiten direla egiaztatzeko. 
  Baimenen kasuan, luzapen-eskaerak jarraipen-espedienteetan ere izapidetzen eta ebazten dira.
• Ezin izan dut obra edo jarduketa ebazpenean ezarritako epean egin. Luzapen bat eska dezaket? 
  Bai, baldin eta ebazpenean emandako epea ez bada legeriak baimen mota horietarako ezarritako gehienekoa.   
  Horretarako, luzapen-eskaera baimenaren indarraldia amaitu baino lehen egin beharko duzu, eta epe barruan amaitu ez izanaren arrazoia justifikatu.
  Izapidetze elektronikoaren kasuan, jakinarazpen hori baimenaren jarraipen-espedientearen bidez egin behar duzu (SAO, SAZ, etab.), "Dokumentazio berria gehitu hasitako espediente bati " atalean deskribatutako moduan. 
• Zer da jabari publiko hidraulikoa okupatzeko kanona? 
  Tasa bat da, jabari publiko hidraulikoko ondasunak okupatzeagatik ordaintzen dena. Ondasun horiek izan daitezke zubiak, estaldurak, hegalak, ibilguarekin airetiko edo lurpeko gurutzaketak, etab. Kanon hori jarduketa egiteko behar diren obren eta jarduketen baimenean ezartzen da. 
  
  Informazio gehiago nahi izanez gero, kontsultatu “Jabari Publiko Hidraulikoaren okupazio-kanonari ” buruzko ohiko galderen atala.

Ohiko Galderak: Obra eta Jarduera Baimenak

Erakundeak:

• EAEko erkidego barruko arroetan:

Erkidego barruko arroak Euskal Autonomia Erkidegoko lurraldetik bakarrik igarotzen direnak dira: Asua, Barbadun, Butroe, Estepona, Galindo, Gobela, Oka, Lea, Artibai, Deba, Oiartzun eta Urola.

Arro horietan, Uraren Euskal Agentziak eskumena du, eta, beraz, eskaera egin beharko duzu agentzia honetan, zure espedientea izapidetu eta ebatz dezan.

• EAEko erkidego arteko arroetan:

Erkidego arteko arroek autonomia-erkidego bat baino gehiago gurutzatzen dute (EAE barne): Bidasoaren ardatz nagusia, Urumea, Oria, Nerbioi, Ibaizabal, Kadagua, Agüera, Karrantza, Omecillo, Baia, Zadorra, Inglares, Araia, Ega eta Errioxa.

Arro horietan, Ebroko eta Kantauriko Konfederazio Hidrografikoak dira eskudunak, eta, beraz, zure eskaera Uraren Euskal Agentzian egin beharko duzu. Agentzia horrek zure espedientea izapidetuko du, baina Ebroko edo Kantauriko Konfederazio Hidrografikoak ebatziko du, kasuaren arabera.

Araudia:

• ⁽¹⁾Administrazio Publikoen Administrazio Prozedura Erkidearen urriaren 1eko 39/2015 Legearen 14. artikulua
• ⁽²⁾Administrazio Publikoen Administrazio Prozedura Erkidearen urriaren 1eko 39/2015 Legearen 16.4 artikulua
• 1/2001 Legegintzako Errege Dekretua, uztailaren 20koa, Uren Legearen testu bategina onartzen duena. Testu kontsolidatua
• 1/2006 Legea, ekainaren 23koa, Urarena
• Jabari publiko hidraulikoaren Erregelamendua, apirilaren 11ko 849/1986 Errege Dekretuak onartua. Testu kontsolidatua
• 35/2016 Errege Dekretua, urtarrilaren 24koa, zeinaren bidez onartzen baita berrikus daitezela Kantauri Mendebaldeko, Guadalquivirreko, Ceutako, Melillako, Segura eta Jucarreko eta Kantauri Ekialdeko demarkazio hidrografikoetako plan hidrologikoak eta Miñoko, Sileko, Dueroko, Tajoko, Guadianako eta Ebroko demarkazio hidrografikoen Espainiako zatikoak.
• Uztailaren 18ko 665/2023 Errege Dekretua (apirilaren 11ko 849/1986 Errege Dekretuaren bidez onartutako Jabari publiko hidraulikoaren Erregelamendua aldatzen duena); uztailaren 29ko 927/1988 Errege Dekretuaren bidez onartutako Uraren Administrazio Publikoaren Erregelamendua; eta urtarrilaren 14ko 9/2005 Errege Dekretua (Lurzorua kutsa dezaketen jardueren zerrenda eta lurzoru kutsatuen adierazpenerako irizpideak eta estandarrak ezartzen dituena).

Kodea: 1020701