Joan edukira

    Castaos ibaiertzaren 200 metro lehengoratu dira Barakaldoko Gorostiza parean

    Argitalpen-data: 

    Arantza Tapia sailburua, Amaia del Campo Barakaldoko alkatea, Antonio Aiz Uraren Euskal Agentziako zuzendari nagusia eta Amaia Barredo Ingurumen eta Jasangarritasuneko sailburuordea barakaldoko lanei bisitan
    • Gorostizako kiroldegi ondotik doan tartea, orain arte hormigoizkoa zen, kanalizatua eta ibilguaren berezko landaretzarik gabea. 
    • Birnaturalizatzeko jarduketarako 550.000 €-ko inbertsioa eta obrak gauzatzeko 6 hilabete behar izan dira. 

    URA-Uraren Euskal Agentzia, Eusko Jaurlaritzako Ekonomiaren Garapen, Jasangarritasun eta Ingurumen Sailari atxikita dagoena, Barakaldon, Gorostiza auzoan, Castaños ibaiaren 200 metroko zati bat lehengoratzeko lanak amaitzen ari da. Kiroldegiaren ondoko zati hori erabat hormigoituta zegoen. 550.000 euroko inbertsioa (BEZa barne) eta sei hilabeteko exekuzio-inbertsioa (apirilaren hasierarako amaitzea espero da) behar izan ditu. Proiektu honek Eskualde Garapeneko Europako Funtsen (EGEF) finantzaketa jaso du. 

    Hala egiaztatu ahal izan dute Arantxa Tapiak, Eusko Jaurlaritzako Ekonomiaren Garapen, Jasangarritasun eta Ingurumeneko sailburuak; Amaia del Campok, Barakaldoko alkateak, eta Uraren Euskal Agentziako zuzendari nagusi Antonio Aizek, gaur eremura egindako bisitan. 

    Tapia sailburuak nabarmendu du “oso garrantzitsua dela administrazioen artean ahaleginak egitea gure ibaien egoera ekologikoa hobetzeko. Horretarako, ezinbestekoa da morfologia naturala eta erriberako landaredia berreskuratzea. Ez dezagun ahaztu ibaia lurraldea egituratzen duen ekosistema dela, lurralde osoari eta herritarrei oso onura garrantzitsuak ematen dizkigula eta horrek erakundeen arteko lankidetza eskatzen duela. Barakaldoko Udalak eta URAk Castañosen egin dugun jarduera adibide ona da: espezie inbaditzaileei aurre egitea ahalbidetu du 25 puntu desberdinetan, Galindorekin bat egin aurretik; eta Castaños ibaiaren zati bat naturalizatu dugu, ibaiertzeko basoa berreskuratzeko eta Barakaldoko hiri-bilbean duen ahalmen ekosistemikoa handitzeko.” 

    Barakaldoko alkateak nabarmendu duenez, “ibaiaren erriberako zati hori egoera erdi-natural batera itzuli dugu, eta bi ertzak lurrez eta ibaiertzeko landaretzaz estalita daude, ibaia hormigoizko plaka biluziz inguratuta utzi beharrean. Era berean, Galindo ibaiaren ibilgua bera lateralki mugitzen da, hondo homogeneo eta artifiziala izatetik askoz heterogeneoagoa izatera pasatuz.” 

    Honako jarduera hauek egin dira: ibaiertzak estaltzen zituen hormigoia zati batean kendu, ezpondak etzanarazi, ibilguaren bihurgunetasuna eta zimurtasuna areagotu, tartea landareztatu, ekosistema-potentziala handitu, eta Barakaldoko auzoko hiri-bilbetik igarotzen den ibai baten paisaia-hobekuntza esanguratsua lortu. Ibaiaren erriberak egoera erdinaturala bihurtzen saiatu gara.

    Sarrera flickrreko Barakaldoko lanen bisitaren albumera

    Bilatu URAn