Maiz egiten diren galderak: uraren kanona

Noiz aplikatzen da uraren kanona?

Kanona uraren zeinahi erabilerari aplikatzen zaio, beste erakunde batzuk hornitutako ura dela, ur-harpen propioetatik datorren ura dela (azaleko ura, lurpeko ura, euri-ura edo jariatze-ura, itsasoko ura edo beste jatorri bateko ura).

Etxeko, nekazaritzako eta abeltzaintzako erabilerak uraren kanona ordaintzetik salbuetsita daude aldi baterako.

Indarrean dauden ur-emakidek, egun erabili ez badira ere, uraren kanona ordaindu behar dute.

Zer inprimaki aurkeztu behar da uraren kanonaren aitorpena egiteko?

• URA 001 Eskabidea eta agiriak bidaltzeko agiria: uraren kanonari lotutako zeinahi agirirekin batera aurkeztu behar da.
• URA 200 Aprobetxamenduko erabiltzailearen hasierako aitorpena.
• URA 400 Zenbatespen objektiboaren sistema aplikatzeko eskabidea.
• URA 520 Aprobetxamenduko erabiltzailearen autolikidazioa: urtarrilean, aurreko ekitaldian egindako kontsumoei dagozkion autolikidazioa aurkeztu behar da. Ur-emakida indarrean dagoen kasuetan ere, nahiz eta egun erabili ez, inprimaki hori aurkeztu behar da.
• URA 520 I. eranskina: URA 520 inprimakiarekin batera aurkeztu behar da, zenbatespen objektiboa erabiliz gero.
• URA 520 II. eranskina: URA 520 inprimakiarekin batera aurkeztu behar da, kontagailu bat baino gehiago edukiz gero. II. eranskinaren agiri bat aurkeztu beharko da kontagailu osagarri bakoitzeko.

Zer inprimaki aurkeztu behar dute ur-hornikuntza egiten duten erakundeek?

• URA 001 Eskabidea eta agiriak bidaltzeko agiria: uraren kanonari lotutako zeinahi agirirekin batera aurkeztu behar da.
• URA 220 eta eranskinak (ur-hornikuntza egiten duten erakundeen hasierako aitorpena).
• URA 320 (ur-hornikuntza egiten duen erakundearen sei hileko aitorpena): uztailean aurkeztu behar da.
• URA 330 (ur-hornikuntza egiten duen erakundearen urteko aitorpena): urtarrilean aurkeztu behar da, eta, hala dagokionean, fitxategi elektronikoen trukeaz lagunduta.
• URA 510 (ur-hornikuntza egiten duen erakundearen autolikidazioa): urtarrilean aurkeztu behar da.

Inprimaki guztiak itxitako kobrantza-aldian aurkeztu behar dira.

 

Nola likidatu (aitortu) behar da kanona kontagailurik instalatu ez bada?

URA 520 inprimakia aurkeztu baino lehen, erabiltzaileak URA 400 inprimakia aurkeztu beharko du.

Erabiltzaileak indarreko ur-emakida badauka, guztira emandako bolumenaren arabera likidatuk

 

Nola aurkeztu eta nora bidali behar dira inprimakiak?

Inprimaki guztiekin batera, 001 eredua aurkeztu beharko da. Bertan, administrazio-datuak ageri dira.

Uraren kanonari lotutako agiriak aurkezteko bideak honako hauek dira:

• Postaz bidaltzea:
  • Agiriak Uraren Euskal Agentziara bidaliko dira, helbide honetara:
    • Gamarrako Atea kalea 1.A – 11. solairua. 01013 Vitoria-Gasteiz (Araba)
  • Dokumentazioa aurrez aurre aurkeztea:
    • Egoitza nagusiko erregistroan edo arroen bulegoetako erregistroetan:
      1. Uraren Euskal Agentzia. Gasteiz.
         • Gamarrako Atea kalea 1.A – 11. solairua. 01013 Vitoria-Gasteiz (Araba)
      2. Uraren Euskal Agentzia. Bilbao.
         • Urkixo zumarkalea, 36 – 7. solairua. 48011 Bilbao.
      3. Uraren Euskal Agentzia. Donostia
         • Intxaurrondo, 70 - 1. solairua. 20015 Donostia

• Herri Administrazioen Araubide Juridikoaren eta Administrazio Prozedura Erkidearen 30/1992 Legeko 38. artikuluan jasotzen diren lekuetan.

• Aurkezpen telematikoa: lotura hau erabiliz: https://www.uragentzia.euskadi.eus/kanonak/uraren-kanona/inprimakien-aurkezpen-telematikoa/u81-0003621/eu/

Aurkezpen telematikoa bideratzeko, NAN elektronikoa edo Izenpe txartela behar da.

Oharra: Ezin izango da uraren kanonari dagokion agiririk aurkeztu faxez edo posta elektronikoz.

 

Zein kasutan eska dezaket uraren kanona ordaintzetik salbuestea?

Ez dute uraren kanonik ordaindu behar honako kontsumo hauek:

• Etxeko, nekazaritzako eta abeltzaintzako erabilerak uraren kanona ordaintzetik salbuetsita daude aldi baterako.
• Ikerketa eta kontrol eragiketetan, aprobetxatzeko ez diren zundaketa esperimentaletan eta jabari hidrauliko publikoa kudeatu eta hobetzeko ekintzetan erabiltzen den ura; eragiketa horiek guztiak, betiere Uraren Euskal Agentziak edo beste herri administrazioren batek (Agentzia horren baimenarekin) egin edo sustatu behar izan ditu.
• Suteak itzaltzeko erabiltzen den ura, eta agintari publikoek behar-beharrezkoa denean edo hondamendiren bat gertatu denean erabiltzeko agintzen duten ura. Suteak itzaltzeko erabiltzen ez badira, suteetako ur-harguneetan egiten diren kontsumoek kanona ordaindu beharko dute.
• Ur geza ordezkatzeko biltzen den itsasoko ura.
• Ura berriz erabiltzea, uraren bidez energia lortzeko edo bestelako industria erabilerak gauzatzeko, ur horren bolumena eta kalitatea aldatzen ez badira.
• Etxeko hornidura saretik hartzen ez den urteko kontsumoa, 50 metro kubikotik beherakoa.

Zein kasutan eska dezaket hobaria?

• Iturri publikoak eta monumentuak elikatzeko, kaleak garbitu eta parke zein lorategiak ureztatzeko ur-kontsumoetan, guztizko kontsumoaren % 95eko hobaria egingo da, betiere kontsumoa herri-erakundeek egiten badute, edo kasurako, izaera publikoa duten ikastetxeek, ikasleen egoitzek eta abarrek.
• Kirol-instalazio publikoetan, bai eta izaera publikoko ikastetxe, ikasleen egoitza eta abarretan egiten diren ur-kontsumoetan, guztizko kontsumoaren % 95eko hobaria egingo da.
• Industriako ur-kontsumoetan, betiere erabilgarri dauden hobekuntza teknikoak baliatzen badira edo ingurumen-kudeaketaren ziurtagiriren bat (EMAS araudia, ISO 14001, EKOSCAN…) eskuratu bada, eta jarduera 2009ko Jarduera Ekonomikoen Sailkapen Nazionalaren (JESN-2009) 05 eta 43 jarduera-moten artekoa bada, guztizko kontsumoaren % 70eko hobaria egingo da.
• Industriako ur-kontsumoetan, Uraren Euskal Agentziak ziurtatutako ur-kontsumoa murrizteko plana edukiz gero, guztizko kontsumoaren % 90eko hobaria egingo da.
• Euri-ur edo jariatze-uren kontsumoetan, guztizko kontsumoaren % 95eko hobaria egingo da.

Nola eska dezaket hobaria edo salbuespena?

Bi inprimaki beteta eta aurkeztuta:

• URA 200, aprobetxamenduetatik zuzenean egindako norberaren ur-kontsumoei dagokienez.
• URA 100, ur-hornikuntza egiten duten erakundeen ur-kontsumoei dagokienez.
• Aurrekoekin batera, URA-001 inprimakia aurkeztu behar da.

Uraren Euskal Agentzia kontagailuak homologatzen al ditu?

• Agentziak ez ditu kontagailuak homologatzen. Horiek 1988ko abenduaren 28ko OMko araudia, horien sailkapena ezartzen duena, eta 889/2006 Errege Dekretua, sailkapen hori aldatzen duena, bete behar dituzte.
• Hala ere, Ingurumen, Lurralde Plangintza eta Etxebizitzako sailburuaren 2017ko apirilaren 24ko AGINDUAREN bidez, Euskal Autonomia Erkidegoko barne-arroetan jabari publiko hidraulikoaren aprobetxamenduei dagozkien ur-bolumenak kontrolatzeko sistemak arautzen dira. Agindu horren arabera, URAk, berariazko ebazpen baten bidez eta oniritziaren bidez, erkidego barruko arroetan kontagailuak jartzeko proposamena onartzen du. ur-bolumena kontrolatzeko sistemen inguruko ohiko galderak

Zenbatekoa da uraren kanonaren kuota?

Uraren kanonaren kuotaren zenbatekoa 6 zentimokoa da kontsumitzen den m3 (1.000 litro) bakoitzeko.

Kanonaren kalkulua

Uraren kanona = Kontsumoa (m3) * (% 100 ? emandako hobaria (%)) *0,06 €/m3

Adibidez:

• Kontagailuaren hasierako irakurketa = 1.500 m3
• Kontagailuaren irakurketa = 2.000 m3amaierako
• Ur-kontsumoa (m3) = 500 m3
• Emandako industria-hobaria = % 70
• Uraren kanona = 500 m3 * (% 100 % 70) * 0,06 euro/m3 = 9,00 euro

Uraren fakturetan sartzen den uraren kanona BEZarekin kargatu behar al da?

Ez, uraren kanonak zerga-oinarria (uraren kontsumoa metro kubikotan neurtuta), tasa: 0,06 euro zentimo, hobariak/salbuespenak eta kuota baino ez ditu.

Nola ordaintzen da uraren kanona?

Uraren kanona banku-transferentzia bidez ordaindu behar da, kontu honetan:

Kutxa:	IBAN	KONTU Zª
Laboral Kutxa	ES20	3035 0012 79 0120120000
Kutxabank	ES09	2095 0611 0091 2129 2328

Ur-hornikuntza egiten duten erakundeek hornitutako urari dagokionez, erakunde horiek jaso behar dute kanonaren zenbatekoa uraren fakturan

Ur-hornikuntza egiten duten erakunde txikiek ere, hala nola administrazio-batzarrek, uraren kanona jaso behar dute uraren fakturan?

Bai, AKErekin elkarlanean gabiltza programa komun bat garatzeo, eta, horrela, kobrantzak modu uniformean kudeatu ahal izateko.

Zertarako erabiltzen dira uraren kanonaren ziozko diru-sarrerak?

• Zerga horren bilketaren ziozko sarrerak itsas ingurunea babestu, leheneratu eta hobetzeko; hornidura- eta saneamendu-sistema eraginkorrak lortzeko helburuz, administrazio eskumendunekiko lankidetza sustatzeko; eta lurralde arteko elkartasuna lortzeko erabiliko dira.
• Legez ezarritakoaren arabera, uraren kanonaren bilketa zeregin hauetan erabili behar da:
• Ur-inguruneko kutsadura prebenitu eta ingurunea bera nahiz berari atxikitako ekosistemak zaintzea, babestea, hobetzea eta leheneratzea, bai eta emari ekologikoari eustea ere.
• Ur-masen egoera ekologiko ona lortzea.
• Urari lotutako azpiegiturak garatzea.
• Tokiko erakundeei, beste erakunde batzuei eta norbanakoei laguntzak edo baliabide ekonomikoak ematea, plangintza hidrologikoaren helburuak betetzeko xedez, eta ura aurrezteko inbertsioak gauzatzea, batez ere, banaketa-sareetako galerak ekiditeari lotutakoak.

Nork aurkeztu behar du hasierako adierazpena?

Hasierako aitorpena aurkezteko betebeharra Euskal Autonomia Erkidegoan ur kontinentalen hartuneak edo sarrerak egiten dituenari dagokio, Euskal Autonomia Erkidegoan erabili edo kontsumitzeko.

Ondorio horietarako, kontrako frogarik ezean, betebeharra honako hauei dagokiela ulertuko da:

• Administrazio-emakida edo -baimena duten aprobetxamenduen kasuan: aprobetxamenduaren ustiapena gaitzen duen administrazio-emakida edo -baimenaren titularra den pertsona edo erakundeari.
• Administrazioaren emakida edo baimenik ez duten aprobetxamenduen kasuan: ura hartzeko instalazioen titularra den pertsona edo erakundeari.
• Euskal Autonomia Erkidegotik kanpo hartutako ura Euskal Autonomia Erkidegoan sartuz gero: Euskal Autonomia Erkidegoan dauden banaketa-instalazioen titularra den pertsona edo erakundeari.
• 
  

Zein formulario erabiltzen da zuzeneko erabiltzailearen hasierako aitorpena aurkezteko?

F.A.-0008 eredua: Ur aprobetxamenduak, Hasierako aitorpena (PDF, 153 KB)

Aparteko hartuneen datuak sartu behar izanez gero: F.A.-0008 eredua I. eranskina: Ur aprobetxamenduak, Hasierako adierazpena (PDF, 137 KB)

Zein maiztasunez aurkeztu behar duzu hasierako aitorpena?

Subjektu pasibo zergadunek hasierako aitorpen bat aurkeztu beharko diote Uraren Euskal Agentziari. Aitorpen horretan, hartutako edo sartutako ura zuzenean neurtzeko mekanismo homologatuen eta hartuneen egoerari buruzko informazio zehatza jaso beharko da, bai eta uraren kanona aplikatzeko beharrezkoak diren datuak eta elementuak ere, ezartzen den ereduaren arabera.

Aprobetxamenduaren ezaugarrien edozein aldaketa Uraren Euskal Agentziari jakinarazi beharko zaio, aldaketa gertatu eta hilabeteko epean.

Zein da hasierako aitorpena aurkezteko epea?

• Erabilerako aprobetxamenduen kasuan (legeztatuak eta legeztatu gabeak): 2022ko lehen seihilekoan aurkeztu beharrekoak.
• Hasierako aitorpena aurkeztu ez duten nekazaritza eta abeltzaintzako erabileretarako aprobetxamenduen kasuan: 2025eko ekitaldiko lehen sei hilabeteetan aurkeztu beharko dute.
• Aprobetxamendu berrien kasuan: aprobetxamendua hasi eta hilabeteko epean.

 

Nork aurkeztu behar du erakunde hornitzailearen hasierako aitorpena?

Subjektu pasibo zergadunek hasierako aitorpen bat aurkeztu beharko diote Uraren Euskal Agentziari. Bertan, hartutako edo sartutako ura zuzenean neurtzeko mekanismo homologatuen eta hartuneen egoerari buruzko informazio zehatza jaso beharko da, baita uraren kanona aplikatzeko beharrezkoak diren datu eta elementuei buruzkoa ere, ezartzen den ereduaren arabera.

Zein formulario erabiltzen da erakunde hornitzailearen hasierako aitorpena aurkezteko?

F.A.-0009 eredua: Erakunde hornitzaileentzako hasierako aitorpena.

Aparteko hartuneen eta/edo aprobetxamenduen datuak sartu behar izanez gero: F.A.-0009 eredua I. eranskina: Erakunde hornitzaileentzako hasierako aitorpena.

Zenbatean behin aurkeztu behar da erakunde hornitzailearen hasierako aitorpena?
Subjektu pasibo zergadunek hasierako aitorpen bat aurkeztu beharko diote Uraren Euskal Agentziari. Bertan, hartutako edo sartutako ura zuzenean neurtzeko mekanismo homologatuen eta hartuneen egoerari buruzko informazio zehatza jaso beharko da, baita uraren kanona aplikatzeko beharrezkoak diren datu eta elementuei buruzkoa ere, ezartzen den ereduaren arabera.

Aprobetxamenduaren ezaugarrien edozein aldaketa Uraren Euskal Agentziari jakinarazi beharko zaio, aldaketa gertatu eta hilabeteko epean.

Zein da erakunde hornitzailearen hasierako aitorpena aurkezteko epea?

• Erabilerako aprobetxamenduen kasuan (legeztatuak eta legeztatu gabeak): 2022ko lehen seihilekoan aurkeztu beharrekoak.
• Hasierako aitorpena aurkeztu ez duten nekazaritza eta abeltzaintzako erabileretarako aprobetxamenduen kasuan: 2025eko ekitaldiko lehen sei hilabeteetan aurkeztu beharko dute.
• Aprobetxamendu berrien kasuan: aprobetxamendua hasi eta hilabeteko epean.

Nork aurkeztu behar du estimazio objektiboaren eskaera?

Ura zuzenean neurtzeko mekanismo homologatuak instalatuta ez dituzten ur-bilketetan eta -sarreretan, edo, horiek izanda ere, funtzionatzen ez dutenetan, zenbatespen objektiboko sistemaren bidez zehaztuko da zerga-oinarria, eta Uraren Euskal Agentziari eskatu beharko zaio.

Zein formulario erabiltzen da estimazio objektiboaren eskaera aurkezteko?

F.A.-0011 eredua: Estimazio objektiboko sistema aplikatzeko eskaera

Zenbatero aurkeztu behar da estimazio objektiboaren eskaera?

Zerga-oinarriaren zehaztapen hori behin-behinekoa izango da, hartutako edo sartutako ura zuzenean neurtzeko mekanismo homologatua ezarri arte.

Modu justifikatuan eta Uraren Euskal Agentziaren aldez aurreko baimenarekin hala eskatzen duten subjektu pasibo zergadunek zenbatespen objektiboko sistemaren bidez zehaztu ahal izango dute zerga-oinarria, baimendutako aldi iragankorrean soilik. Epe hori hiru urtekoa izan ohi da, eskatu den ekitalditik edo bildutako edo sartutako ura zuzenean neurtzeko mekanismo homologatua instalatu arte.

Zein da estimazio objektiboaren eskaera aurkezteko epea?

Bildutako edo sartutako ura zuzenean neurtzeko mekanismo homologatua irakurrita zerga-oinarria ezarri ezin den ekitaldian zenbatespen objektiboa aplikatzeko eskatu beharko da.

Nork aurkeztu behar du salbuespen-eskaera?

Kanona ordaintzetik salbuetsita daude ur kontinentalen hartuneak eta sarrerak, horiek erabiltzeko edo kontsumo hauetarako:

• Energia lortzeko edo indar eragilea erabiltzeko ez erabiltzea. Salbuespen hori aplikatzeko, pertsona edo erakunde zergadunek eskaera bat aurkeztu beharko diote Uraren Euskal Agentziari, ezartzen den ereduaren arabera, eta horrekin batera, erabilera ez-aholku-emaile hori gertatzen den lekuaren kokapen-plano bat aurkeztu beharko dute, ura hartzeko eta itzultzeko puntuak adierazita, bai eta hartutako ura zuzenean neurtzeko mekanismo homologatuak ere.
• Ingurunera atera eta erabili ez den uraren bolumena, kalitate- eta tenperatura-baldintza berberetan, ura kentzetik hurbil dagoen puntu batean, administrazioaren emakidan edo baimenean edo indarrean dagoen Plan Hidrologikoan ezarritakoaren arabera errespetatu beharreko emari ekologikoaren zati gisa. Salbuespen hori aplikatzeko, pertsona edo erakunde zergadunek eskaera bat aurkeztu beharko diote Uraren Euskal Agentziari, ezartzen den ereduaren arabera, memoria tekniko batekin batera. Memoria horretan, planoak, funtzionamendu-memoriak, txostenak eta eskatzaileak egokitzat jotzen dituen dokumentazio edo baliabide guztiak jaso beharko dira, eta egiaztatu beharko da ur-bolumen horiek ingurunera itzultzen direla, aurreko paragrafoan adierazitakoa betez eta bolumen horietako ura zuzenean neurtzeko mekanismo homologatua zehaztuz.
• Urtean 200 metro kubikotik beherako bolumena duten kaptazioak eta sarrerak. Salbuespen hori aplikatzeko, ez da beharrezkoa izango pertsona edo erakunde zergadunek Uraren Euskal Agentziari eskaera aurkeztea.
• 2022, 2023 eta 2024ko ekitaldietarako, nekazaritza eta abeltzaintzako sektoreko zergadunek ez dute uraren kanona aitortu eta likidatu beharrik izango.

Nork izan dezake hobaria?

Zerga-oinarriaren % 90eko hobaria emango da nekazaritza eta abeltzaintzako erabilerarako ura biltzeagatik edo sartzeagatik, baldin eta pertsona edo erakunde zergadunak Nekazaritza Ustiategien Erregistroan inskribatutako nekazaritza-ustiategi baten titularrak badira edo nekazaritza-ustiategiaren txartela badute. Gainera, erditzearen edo aprobetxamenduaren ustiapenerako administrazio-baimen edo -emakida bat eduki beharko da, non uraren xede gisa abeltzaintza- edo ureztatze-erabilera agertuko den.

Hobari hori aplikatzeko, ez da beharrezkoa izango pertsona edo erakunde zergadunek eskaera bat aurkeztea Uraren Euskal Agentziari.

Zein formulario erabiltzen da salbuespen-eskaera aurkezteko?

F.A.-0010 eredua:

Hartualdiei buruzko datuak sartu behar izanez gero, F.A.-0010 eredua, I. eranskina

Zein maiztasunez aurkeztu behar duzu salbuespen-eskaera?

Salbuespenak 3 urteko indarraldia izango du, eskaera egiten den urtetik zenbatzen hasita. Ondoren, berritu egin beharko da F.A.-0015: Emandako hobari edo salbuespen baten indarraldia berritzeko erantzukizunpeko adierazpena.

Zein da salbuespen-eskaera aurkezteko epea?

Salbuespena aplikatu nahi den ekitaldian eskatu beharko da.

Nork aurkeztu behar ditu erantzukizunpeko adierazpenak salbuespenen indarraldia berritzeko?

Ebazpen bidez emandako salbuespenen bat duten pertsona fisikoak edo erakundeak, baldin eta salbuespenaren epea amaitzen bada.

Zer formulario erabiltzen da salbuespenen indarraldia berritzeko erantzukizunpeko adierazpenak aurkezteko?

F.A.-0015 eredua: Emandako hobari edo salbuespen baten indarraldia berritzeko erantzukizunpeko adierazpena

Zein da Salbuespenen Berrikuntza eta Indarraldia aurkezteko epea?

Pertsona eta entitate zergadunek beste eskabide bat edo erantzukizunpeko adierazpen bat aurkeztu beharko dute, salbuespenaren eraginkortasuna amaitu baino 3 hilabete lehenago gutxienez.

Nork aurkeztu behar du zuzeneko erabiltzailearen autolikidazioa?

Zergadun gisa subjektu pasiboak dira Zergei buruzko Lege Orokorraren 35.4 artikuluan aipatzen diren pertsona fisiko edo juridikoak eta erakundeak, baldin eta ur kontinentalen hartuneak edo sarrerak egiten badituzte Euskal Autonomia Erkidegoan erabiltzeko edo kontsumitzeko.

Subjektu pasibo zergaduntzat hartuko dira:

• Aprobetxamenduaren ustiapena gaitzen duen administrazio-emakida edo -baimenaren titularra den pertsona edo erakundea.
• Ura hartzeko instalazioen titularra, ura administrazioaren emakida edo baimenik ez duen aprobetxamendu batetik datorrenean.

Zein formulario erabiltzen da zuzeneko erabiltzailearen autolikidazioa aurkezteko?

F.A.-0012 eredua: Ur-aprobetxamenduak. Autolikidazioa

Hartuneen datuak sartu behar izanez gero, F.A.-0012 eredua. II. eranskina: ur-aprobetxamenduak. Autolikidazioa

Zenbatespen objektiboaren arabera autolikidatuz gero, F.A.-0012 eredua ere bete beharko da (I. eranskina: ur-aprobetxamenduak). Autolikidazioa

Zein maiztasunez aurkeztu behar duzu erabiltzaile zuzenaren autolikidazioa?

Urtero.

Zein da erabiltzaile zuzenaren autolikidazioa aurkezteko epea?

Zergapeko subjektu pasiboek urte bakoitzeko urtarrilean aurkeztu beharko diote Uraren Euskal Agentziari aurreko urtean hartutako edo sartutako ur-bolumenari dagokion autolikidazioa, ezartzen den ereduaren arabera.

Nork aurkeztu behar du erakunde hornitzailearen autolikidazioa?

Zergadun gisa subjektu pasiboak dira Zergei buruzko Lege Orokorraren 35.4 artikuluan aipatzen diren pertsona fisiko edo juridikoak eta erakundeak, baldin eta ur kontinentalen hartuneak edo sarrerak egiten badituzte Euskal Autonomia Erkidegoan erabiltzeko edo kontsumitzeko.

Subjektu pasibo zergaduntzat hartuko dira:

• Ura hartzeko instalazioen erakunde titularra, ura administrazioaren emakida edo baimenik ez duen aprobetxamendu batetik datorrenean.
• Euskal Autonomia Erkidegotik kanpo hartutako ura Euskal Autonomia Erkidegotik kanpo erabiltzen edo kontsumitzen duten banaketa-instalazioen erakunde titularrak.

Zein formulario erabiltzen da erakunde hornitzailearen autolikidazioa aurkezteko?

F.A.-0013 eredua: Autolikidazioa erakunde hornitzaileentzat

Hartuneen eta/edo aprobetxamenduen datuak txertatu behar izanez gero F.A.-0013 eredua II. eranskina: Erakunde hornitzaileentzako autolikidazioa

Zenbatespen objektiboaren arabera autolikidatuz gero, F.A.-0013 eredua ere bete beharko da. I. eranskina: Erakunde hornitzaileentzako autolikidazioa

Zein maiztasunez aurkeztu behar duzu erakunde hornitzailearen autolikidazioa?

Urtero.

Zein da erakunde hornitzailearen autolikidazioa aurkezteko epea?

Zergapeko subjektu pasiboek urte bakoitzeko urtarrilean aurkeztu beharko diote Uraren Euskal Agentziari aurreko urtean hartutako edo sartutako ur-bolumenari dagokion autolikidazioa, ezartzen den ereduaren arabera.

Nork aurkeztu behar du hornitutako bolumenen informazio-eredua?

Erabiltzaileei ur-hornidurak egiten dizkieten subjektu pasibo zergadunek, urte bakoitzeko lehen bi hilabeteetan, aurreko urtean hartutako edo sartutako uraren bolumen osoa identifikatuko dute, baita erabilera mota bakoitzean erabilitako edo kontsumitutako uraren bolumena (ihesak, galerak eta kontrolik gabekoak, etxeko eta bizitegietako erabilerak, nekazaritza eta abeltzaintzako erabilerak, industria- eta merkataritza-erabilerak, udal-erabilerak) eta uraren kanonak salbuetsitako, hobaritutako eta kargatutako uraren bolumena ere, ezartzen den informazio-ereduaren arabera.

Erabiltzaileei ur-hornidurak egiten dizkieten erakundeek, baina uraren kanonaren subjektu pasibo zergadunak ez direnek, epe berean aurkeztu beharko diote Uraren Euskal Agentziari altan emandako ur-bolumenen eta erabilera-mota bakoitzean aurreko urtean hornitutako bolumenen eredua.

Zer formulario erabiltzen da hornitutako bolumenen informazio-eredua aurkezteko?

F.A.-0014 eredua: Hornitutako bolumenen informazio-eredua (PDF, 105 KB)

Beste erakunde hornitzaile batzuei ura altan emanez gero, F.A.-0014 eredua ere bete beharko da I. eranskina: Hornitutako bolumenei buruzko informazio-eredua (PDF, 108 KB)

Zenbatean behin aurkeztu behar duzu hornitutako bolumenen informazio-eredua?

Urtero.

Zein da hornitutako bolumenen informazio-eredua aurkezteko epea?

Urte bakoitzeko lehen bi hilabeteetan aurkeztu beharko da.

Nork eska dezake konpentsazio bat?

Nekazaritza- eta abeltzaintza-erabileretarako ura sare-horniduraren bidez jasotzen duten nekazaritza eta abeltzaintzako erabiltzaileek uraren kanonak nekazaritza eta abeltzaintzako erabilera horiengatik fakturan duen inpaktuagatik eskatu eta konpentsatu ahal izango dituzte.

Konpentsazio hori Uraren Euskal Agentziak egingo du, lege honen 47.2 artikuluan aurreikusitako ehuneko berean. Horretarako, erabiltzaileek Nekazaritza Ustiategien Erregistroan inskribatutako nekazaritza-ustiategi baten titular izan beharko dute, edo nekazaritza-ustiategiaren txartela izan beharko dute, bai eta kontratu bat ere, uraren xede gisa abeltzaintza- edo ureztatze-erabilera jasotzen duena, edo erakunde hornitzailearen ziurtagiria, uraren erabilera nekazaritza eta abeltzaintzakoa dela egiaztatzen duena.

Beharrezkoa izango da nekazaritza eta abeltzaintzako erabilerari dagokion ur-bolumena bereizita kuantifikatu ahal izatea, ura zuzenean neurtzeko mekanismo homologatu indibidualizatuen bidez. Mekanismo horrek ura erabilera baterako baino gehiagorako neurtzen badu, eta, beraz, ezin bada bereizita kuantifikatu nekazaritza eta abeltzaintzako erabilerengatiko kanonaren inpaktuagatik konpentsatu daitekeen uraren bolumena, konpentsazioa kontratuan edo erakunde hornitzaileak emandako ziurtagirian adierazitako uraren erabilera kopuruaren arabera egingo da.

Zein formulario erabiltzen da % 90eko konpentsazioa aurkezteko?

F.A.-0016 eredua. Nekazaritza eta abeltzaintza sareko uraren % 90 konpentsatzea

Zenbatean behin aurkeztu behar duzu hornitutako bolumenen informazio-eredua?

Urtero.

Zein da konpentsazio-eskaera aurkezteko epea?

Konpentsazio hori aplikatzeko, pertsonek eta erakundeek aurreko ekitaldiari dagokion eskaera aurkeztu beharko diote Uraren Euskal Agentziari, urte bakoitzeko lehen sei hilabeteetan, ezartzen den ereduaren arabera. Eskabidearekin batera, aurreko paragrafoan aurreikusitako baldintzak betetzen direla egiaztatzen duten agiriak aurkeztu beharko dira, salbu eta Nekazaritza Ustiategien Erregistroan inskribatutako nekazaritza-ustiategi baten titularrak direla egiaztatzen dutenak edo nekazaritza-ustiategiaren txartela dutenak. Baldintza hori ofizioz egiaztatuko du Uraren Euskal Agentziak. Hala ere, Uraren Euskal Agentziak edozein unetan eskatu ahal izango die konpentsazioa eskatzen duten pertsona edo erakundeei betetze hori egiaztatzen duen dokumentazioa aurkezteko.

Era berean, pertsona edo erakunde eskatzaileek konpentsazioaren xede den erakunde hornitzailearen ur-fakturen kopia eta ordainketaren egiaztagiria aurkeztu beharko dituzte.