Mostrar Menú Mostrar Menú Utilidades Mostrar Menú Idiomas
Ur Agentzia - Agencia Vasca del Agua

Euskadi.eusen sartu

ACLIMA eta URA elkarlanean arituko dira araztegietan tratatutako uren berrerabilpena sustatzeko euskal industrian

Argitalpen-data: 

ACLIMA eta URA elkarlanean arituko dira araztegietan tratatutako uren berrerabilpena sustatzeko  euskal industrian

Aclima-Basque Environment Cluster eta URA elkarlanean arituko dira hondakin-uren araztegietan (HUAetan) tratatutako saneamendu-uren berrerabilera sustatzeko euskal industrian. Konpromiso hori hartu dute bi erakundeek gaur sinatu berri duten hitzarmenean: "EAEko industrian hondakin-uren araztegietako efluenteak berrerabiltzea sustatzeko ekintza-planean" jasotako jarduerak gauzatzeko.

Hitzarmen horren helburua da ur-kudeatzaileei eta herrialdeko enpresei jardunbide zehatzak ikusaraztea eta proposatzea, ureztatutako urak industria-prozesuetan erabili ahal izan daitezen baldintza seguru, praktiko eta errentagarrietan.

Hitzarmenak atariko fase bat aurreikusten du, EAEn lehengoratutako ur horren eskaintza eta eskari potentziala identifikatzeko eta ezaugarritzeko. Era berean, Europako eremuan dauden benetako berrerabilpen-teknologiak eta -esperientziak aztertuko dira. Ondoren, teknikoki eta ekonomikoki lehengoratutako urak berrerabiltzea bideragarria den kasu eta aukerak zehaztuko dira. Azkenik, egitasmoaren emaitzak zabalduko dira eta efluenteak berrerabiltzeko aukerari buruz sentsibilizatuko da, ingurune urtarretik ur-hartze berrien ordez.

Alde  bakoitzaren konpromisoei dagokienez: URAk gehienez 200.000 € mahaigaineratuko ditu hitzarmena indarrean dagoen bitartean (2020-2022). Proiektuak irauten duen bitartean, URAk horri buruz duen informazioa eta dokumentazioa emango dio Aclimari, jarduketa posibleen ildo orokorrak zehaztuko ditu, informazioa aztertzen eta txostenak egiten lagunduko du, eta sortzen diren txostenen emaitzak balioztatuko ditu, besteak beste.

Bestalde, Aclimak lehen aipatutako helburuak lortzeko Jarduera Plana gauzatuko du, Agentziaren zuzendaritza teknikoaren pean, adostutako faseak eta epeak kontuan hartuta.

Industrian araztutako efluenteen uneko aprobetxamendu zuzenak

Hondakin-urak berrerabiltzea eraginkortasun hidrikoa handitzeko neurria da: ur-hornidura unibertsala bermatzeko orduan hornidura-sistemen erresilientzia handitzen du, lurraldeko ur-baliabideen gaineko presioa murrizten du eta, beraz, uren egoera onerako beharrezkoak diren emariak kontserbatzen laguntzen du. Nahiz eta orain arte EAEn oso zabalduta ez egon, esperientzia esanguratsuak aipatu behar dira industrian.

Bilbao Bizkaia Ur Partzuergoak Galindoko (Sestao) Araztegiko isurketaren 1.200.000 m ³/urte berrerabiltzen ditu, araztegian sortutako lohien balorazio energetikoa egiteko instalazioaren hozte-prozesuetan.

Bestalde, Petronorrek, Muskizko instalazioan, gazitasun txikiko industriako hondakin-urak tratatzeko instalaziotik 1,8 hm ³ lehengoratutako ur erabiltzen du bere ekoizpen prozesuan.

Gainera, hitzarmen honek bat egiten du Europako Batzordearen Ekonomia Zirkularreko Ekintza Planarekin. Ekintza-plan horrek xede du uraren berrerabilpenari buruzko ikuspegi zirkularrak sustatzea eta industria-prozesuetan eraginkortasun hidrikoa sustatzea. Era berean,  Aclima-URA hitzarmenak bat egiten du Ekonomia Zirkularreko Estatuko estrategiarekin ere: zeinak uraren erabilera-efizientzia % 10a hobetzea duen xede.

boton_subir

Igo

Homa - URA - Uraren Euskal Agentzia

Sare Sozialetan jarrai iezaguzu

Izena eman URAren buletina jasotzeko.

Jaso URA-ren berri guztiak zure email-ean.

DATUAK BABESTEARI BURUZKO OINARRIZKO INFORMAZIOA

Tratamendu-jarduera

NEWSLETTER

Arduraduna

Uraren Euskal Agentzia.   Administrazio eta Zerbitzu Zuzendaritza

Helburuak

Ingurumen-gaiei lotutako argitalpenak bidaltzea

Legitimazioa

Interesdunaren adostasuna.

Tratamendua beharrezkoa da, interes publikoaren aldeko eginkizunen bat betetzeko edo tratamenduaren arduradunari emandako botere publikoak betetzeko jardunean.

Hartzaileak

Hirugarren bati ez zaio daturik emango, legez ezarrita dagoenean izan ezik.

Eskubideak

Interesdunaren eskubidea da bere datuak ikustea, zuzentzea, ezabatzea eta horien erabilera mugatzea edo ukatzea.

Informazio gehigarria

Datuen babesari buruzko informazio gehiago, honako web helbide honetan: www.uragentzia.euskadi.eus 

Uraren Euskal Agentziaren helburua, EAEn uraren arloko politika aurrera eramatea da.

  • EAEko ur-masen egoera ekologikoa hobetzea.
  • Kantitate eta kalitate oneko hornidura unibertsala lortzea.
  • EAEko saneamenduko planak amaitzea.
  • Uraren administrazio eraginkorra.
  • Uraren gaineko ikerketa eta aprobetxamendu iraunkorra egitea.

Premiazko kontaktua

Gertaera larrien kasuan (uholdeak, isurketak) mesedez jarri harremanetan SOS Deiarekin, 112 zenbakian
SOS Deiakoek martxan jarriko dute jarriko dute jarraitu behar den jokabidearen protolokoloa

Uraren Euskal Agentzia

Gamarrako Atea kalea 1.A – 11. solairua
01013 Vitoria-Gasteiz, Álava.

Uraren Euskal Agentzia

Urkixo zumarkalea, 36  7. solairua
48011 – Bilbao

Uraren Euskal Agentzia

Intxaurrondo kalea, 70  1. solairua
20015 Donostia/San Sebastián

Laborategia

Errekalde industriagunea. Irubide eraikina 31
20160 Lasarte-Oria (Gipuzkoa)

Euskadi, auzolana